INICIAMOS AS SEMANAS DE RETOS!

Bo día! Comezamos o 3º Trimestre coas pilas cargadas e con moitas ganas de presentarvos a nova dinámica que seguiremos. Estreamos unha nova proposta de retos que esperamos que vos guste e vos anime a compartir as vosas actividades con toda a comunidade educativa. Pero... en que constiste?

👉1º Cada luns presentaremos unha SEMANA DE RETOS, composta de 5 retos (un para cada día lectivo). Os retos versarán sobre distintos ámbitos, temáticas e tamén conmemoracións. Así, faremos actividades variadas ao longo da semana (música🎵, arte🖌, lóxico-matemática📐, psicomotricidade🏃, inglés, literatura📚, etc.).

👉2º Animádevos a realizar o reto diario que vos propoñemos e canto máis creativo sexa, mellor!

👉3º Unha vez realizado o reto, sacádelle unha foto 📸 e subídea ao programa Padlet, que nos servirá para compartir con todos e todas as actividades feitas na casa, se vos apetece, e tamén para ver as dos demais. É moi doado:

Clicade → aquí ← ou na imaxe que segue e accederedes a un panel.
Clicade no símbolo + de cor rosa (abaixo á dereita) e abrirase o voso espazo para subir a foto. Clicade no símbolo da frecha ↥ para acceder ao voso arquivo.
Elixides a foto e listo!! Xa tedes a vosa foto no panel, onde compartiremos e veremos todas as nosas creacións!

https://es.padlet.com/cradevalga/Bookmarks

Explicado o procedemento que seguiremos a partir de agora, xa podemos presentar a SEMANA 1 DE RETOS. Queredes xogar con nós? Pois mirade 👀 o tema de hoxe e buscade a inspiración dentro de vós. Velaquí vai: