CRA DE VALGA

CRA DE VALGA

miércoles, 20 de marzo de 2019

XORNADA DE CONVIVENCIA

Ola familias! Como sabedes o venres pasado realizamos a II Xornada de Convivencia do curso. Esta vez tivo lugar na Escola de Forno, onde convidamos ás avoas e bisavoas co gallo do Día da Muller e relacionándoo co noso Proxecto anual "Galicia en contos", a que nos contaran historias das súas vidas. Aprendimos moitísimo sobre cousas de antes, como o oficio de ferreira, andar co tractor, os muíños do millo, como era ir á escola ou sacar o carné de conducir fai moitos anos. 
Logo, fixemos xogos ó aire libre e realizamos un obradoiro de batidos feitos con amorodos e plátanos. Estaban riquísimos! 

MOITAS GRAZAS ÁS AVOAS POR VISITARNOS E CONTARNOS COUSAS TAN INTERESANTES!


viernes, 15 de marzo de 2019

ACTUACIÓN CONXUNTA DO ENTROIDO!

Xa podedes ver a nosa actuación final do Entroido, onde todos os nenos e nenas cantaron a canción "O Mercado" de María Fumaça, para logo poñer o broche final do festival do Entroido cun gran folión!
My Movie from CRA de Valga on Vimeo.
FOLIÓN ENTROIDO from CRA de Valga on Vimeo.

SEMANA DA PRENSA!

Esta semana é a Semana da Prensa! En todas as escolas do C.R.A. andivemos a realizar actividades relacionadas coa prensa e, en concreto, con xornais. Os nenos e as nenas disfrutaron do contacontos "O homiño de papel" de Fernando Alonso, para logo crear o seu propio homiño de papel con xornais e enchelo de palabras positivas. Pintamos moito sobre xornal e ata fixemos un obradoiro de reciclaxe de papel!

ESCOLA DE XANZA


ESCOLA DE CHENLO

ESCOLA DE CAMPAÑA




ESCOLA DE FORNO
Prensa from Alba Cazorla on Vimeo.



ESCOLA DE VILARELLO








ESCOLA DE FERREIRÓS





martes, 12 de marzo de 2019

DÍA DA MULLER

O pasado venres, 8 de marzo tivo lugar unha Conmemoración moi importante: O DÍA INTERNACIONAL DA MULLER. E no C.R.A. quixemos poñer a nosa pequena aportación, descubrindo mulleres tan extraordinarias como Frida Kahlo, Malala Yousafzai, Coco Chanel, Marie Curie, Amelia Earhart ou Valentina Tereshkova; pero sobre todo, as galegas Maruja Mallo, Concepción Arenal, Sofía Casanova, Celia Rivas, Rosalía de Castro ou Uxía Senlle. Ademais, a esta última fixémoslle unha homenaxe especial cun retrato e cantando as súas cancións de María Fumaça.  E por suposto, todo isto serviunos para reflexionar que PODEMOS SER O QUE QUEIRAMOS!


ESCOLA DE VILARELLO






ESCOLA DE CHENLO




ESCOLA DE XANZA



ESCOLA DE FERREIRÓS
DÍA DA MULLER from CRA de Valga on Vimeo.

ESCOLA DE FORNO

ESCOLA DE CAMPAÑA





viernes, 1 de marzo de 2019

FESTIVAL DE ENTROIDO!

Chegou unha das celebracións do calendario máis agardadas polos nenos e nenas: o Entroido! Este ano, seguindo coa temática do proxecto anual, no C.R.A. disfrazámonos do Entroido Tradicional Galego. Subiremos os vídeos das actuacións proximamente, pero mentres, velaquí vai un aperitivo: 

Os Xenerais da Ulla cobraron vida cos nenos e coas nenas de Forno, que subiron ó escenario a galope dos seus cabalos e erguendo as súas espadas. Non faltaron nin os "vivas" para amenizar a festa!

Os boteiros de Vilariño de Conso foron os elixidos pola Escola de Vilarello. Bailaron co folión que os caracteriza botando sobre a monca, non sen antes pedir permiso ós asistentes para subir ó escenario. O seu traxe complementábase co cinto con esquilas, o pantalón de flocos e a camisa de fitas en acordeón.

De Sarreaus chegaron os nenos e nenas de Chenlo, vestidos de Vergalleiros. Levan este nome polo vergallo que fan soar para anunciar ós habitantes o Entroido. Puidemos ver a súa mitra de dous picos da que colgan pequenas chocas e que estaba decorada por touros.

De Xinzo da Limia, tomaron o disfrace os nenos de Campaña, convertíndose nas famosas Pantallas. O seu traxe branco foi complementado con capa e faixa da que colgan os cencerros, así como o elemento que máis os caracteriza: as vexigas que empregan para asustar ó público.

Os nenos de Ferreirós convertíronse en Peliqueiros de Laza (da comarca de Verín). No seu atuendo puidemos observar detalles como a mitra sobre a cabeza con animal debuxado (eles elixiron lobos, leóns...), as chocas no cinturón, ou a zamarra coa que se enfrontan á xente que vai sen disfrazar.


Os Labardeiros e Señoritas de Toén, víronse representados pola Escola de Xanza. As Señoritas vestiron a típica saia branca e longa chea de flores, ademais de colares, sombreiro e un cesto co que nos sorprenderon espallando papeliños de cores. Os Labardeiros luciron tamén de branco e con flores, pero cun sombreiro moito máis alto e coa cara tapada cunha rede azul. Tampouco faltou a labarda, instrumento tradicional para mallar o trigo.


Rematamos as actuacións cun gran folión no que participaron os nenos e as nenas de todas as escolas, para logo dar paso á merenda coas familias que se acercaron ó auditorio de Cordeiro.



Despedímonos desexándovos que disfrutedes dun feliz Entroido cos pequenos e pequenas!


jueves, 28 de febrero de 2019

XOVES DE ENTROIDÓN!

XOVES: SE TE QUERES DIVERTIR, 
CUN DISFRACE TERÁS QUE VIR!

E así, os nenos e nenas de todas as escolas do C.R.A. (e tamén os profes), viñemos con todo tipo de disfraces!

ESCOLA DE XANZA
ESCOLA DE XANZA
ESCOLA DE XANZA


ESCOLA DE FERREIRÓS

ESCOLA DE FERREIRÓS

ESCOLA DE CAMPAÑA

ESCOLA DE CAMPAÑA

ESCOLA DE FORNO

ESCOLA DE FORNO
ESCOLA DE FORNO

ESCOLA DE VILARELLO
ESCOLA DE VILARELLO


ESCOLA DE CHENLO

E mañá estades convidados ó noso festival de entroido. Agardámosvos a todos no auditorio para poder disfrutar dun gran entroido galego!