Nestes momentos de incertidume no que nos
atopamos, as principais recomendacións , sobretodo para as persoas adultas,
sería que intenten, na medida do posible, crear na casa un ambiente de
seguridade e protección, no que os nenos e nenas, dependendo da súa idade
poidan expresar o que sinten, ben falando, ben a través do xogo ou do debuxo.
Podemos tamén intentar adaptar certos xogos de
exterior que lles gusten ao interior, sei que isto nun piso é complicado pero
debemos intentalo, por exemplo: pequenas carreiras, saltos para liberar
tensión, xogar a “baloncesto” cunha bola
de papel tratando de encestalo en
calquera cousa que teñamos disponible… en definitiva, aproveitar calquera das
cousas que teñamos ao redor para o xogo, deixar tamén que xoguen libremente,
sen interferencias dos adultos.
Propoñerlles tamén que participen, na medida das súas
posibilidades nas actividades da vida diaria, actividades de tipo sensorial
como pode ser amasar, xogar con diferentes texturas fariña, líquidos, legumes…
Salientar por outra banda que debido ás circunstancias actuais poden ser
frecuentes nos nenos e nenas as regresións, que son a volta a un estadio
anterior do desenvolvemento, esto fano sin darse conta, de xeito inconsciente e
debemos acompañalas, non debemos reprendelos por iso, simplemente están
buscando seguridade e confianza. Estas regresións non van a interferir no seu
desenvolvemento. Algúns exemplos: pedirnos que os vistamos cando xa saben
facelo, falar como cando eran máis pequenos, estar todo o día pegados a nós,..
simplemente que saibades que é algo normal e que debemos intentar acompañalo do
mellor xeito posible.
Por último simplemente recordar que as
crianzas teñen unha gran capacidade de adaptación e a nosa misión como adultos,
neste complexo momento, debe ser a de aportarlles seguridade, confianza,
calidez e sostén emocional.
As circunstancias polas que estamos pasando,
todos e todas, son complicadas pero tentemos que os pequenos pasen este tempo
do mellor xeito posible.
Ánimo e unha forte aperta a todas as crianzas
e ás familias.
Pablo Alvar
Comentarios
Publicar un comentario