A través da educación artística trabállase a creatividade, a imaxinación, a motricidade fina..., e sérvelle ó alumnado para expresar emocións, pensamentos, observacións ou transmitir mensaxes. Para conseguir captar a atención dos nenos e nenas é importante empregar diferentes tipos de materiais, por iso a continuación se propoñen algunhas actividades que implican a manipulación de materiais que temos na casa de xeito cotiá:
*Creacións artísticas con pompas de cores.
*Pintamos con bastonciños.
*Estampación con plástico de burbullas ou materiais de refugallo.
*Estampación con froitas e verduras.
*Debuxamos con bastonciños sobre unha bandexa de porespán.
*Creación de cadros con escuma de afeitar e colorante alimentario.
*Creacións con vaporizadores de diferentes cores.
* Debuxamos soprando con palliñas.
* Tinguimos arroz, pasta... con pintura ou colorante:
* Grafismo creativo como os obradoiros e técnicas de Hervé Tullet.
* Grafismo creativo como os obradoiros e técnicas de Hervé Tullet.
* Creamos un pequeno cartel para poñer nunha das ventás da casa para invitar á xente que o vexa a non saír á rúa e así axudar a que o Coronavirus non se extenda.
Mais podemos facer moitísimas cousas máis. Só temos que poñer as nosas cabezas a traballar! Podemos botar man de diferentes materiais (cartón, revistas, xornais, papeis de cores, elementos da natureza...), empregar diferentes técnicas (puntillismo, estampado, collage, salpidado...), utilizar diferentes soportes (folios, cartóns, tea, vidro...) e tamén podemos usar diferentes materiais para pintar (témperas, pinturas de dedos, rotuladores, ceras, xices...), así poderemos facer creacións moi diferentes!
Comentarios
Publicar un comentario