O martes día 11 de xuño, foi un día
moi especial, posto que os nosos "maiores" das escolas de Campaña, Xanza e Chenlo, se acercaron ó centro receptor do noso alumnado para o
vindeiro curso 2019/2020, ( o CEIP de Baño-Xanza) para que desta forma coñezan un pouco máis do que será
o seu novo centro a partir de setembro, favorecendo así o tránsito entre ambas
etapas (ed. Infantil e ed. primaria).
Alí estivemos cos nenos do 3º nivel
do 2º ciclo de Educación Infantil deste cole, e que serán os seus
compañeiros/as o próximo curso!!
No CEIP de Baño-Xanza, ensináronnos onde
se forman as filas de entrada ó cole, as aulas de primaria, o ximnasio, a
biblioteca, contáronnos 2 contos: “a vaca que puxo un ovo” e “primeira semana
na escola de vacas”. Despois fixéronnos actividades de presentación moi
divertidas e xogamos co paracaídas. Despois de tanta actividade, merendamos
todos xuntos e xogamos un pouco antes de volver para as nosas escolas!
Foi unha xornada chea de emocións, nerviosismo e moita diversión!
Comentarios
Publicar un comentario