O
venres 27 de abril, levamos a cabo unha saída ó Parque Natural de Barosa, que nos permitiu acercarnos algo máis ó
patrimonio etnolóxico e natural próximo á nosa zona. Ademais, nas aulas
traballouse sobre estes temas previamente e coincidiu cunha semana na que
participamos na sementeira do trigo, polo que xa levabamos algúns coñecementos
previos sobre o tema.
Nos
muíños dividíronnos en grupos para participar en diferentes obradoiros.
Nun
de eles vimos un forno de pedra antigo , explicáronnos o seu funcionamento e os
materiais que se utilizaban; noutro
obradoiro, ensináronnos un muíño de pedra e mesmo o puxemos a funcionar! e no terceiro dos obradoiros amosáronnos diferentes imaxes de animais típicos da zona e tamén tipos de cereais, as súas fariñas, así como o seu uso.
A continuación, e xa con moitísima fame, merendamos!! Déronnos
madalenas, galletas e rosca, e para beber auga, zumos e chocolateeee!!
Despois de coller forzas coa merenda, participamos no último
dos obradoiros: obradoiro de pan!! En este caso, xa todos xuntos. Pásamolo xenial!! Gústounos moito
amasar e facer figuras co pan, como tartarugas, golfiños, cisnes, trenzas...
En esta ocasión, acercouse ata o Parque Natural de Barosa, un fotógrafo de A Voz de Galicia. Velaquí vos deixamos o enlace da publicación que saiu no xornal o sábado 28 de abril na edición de Pontevedra: https://www.lavozdegalicia.es/noticia/pontevedra/2018/04/28/alumnos-cra-valga-visitan-muinos-barosa/0003_201804P28C11997.htm
Desde o C.R.A. de VALGA, aproveitamos para dar as grazas a Lucía,
Sandra e Gonzalo, monitores nos muíños de Barosa, que nos acompañaron durante toda a mañá e nolo
fixeron pasar tan ben!!
Comentarios
Publicar un comentario